Aqmola oblysynda dalada túnep shyqqan er adam qutqaryldy
KÓKShETAÝ. QazAqparat - Aqmola oblysynyń Esil aýdanynda dalada túnep shyqqan er adam qutqaryldy, dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
Vedomstvonyń málimetishe, túngi saǵat 03:00-de «112» nómirine Esil aýdanyndaǵy bir aýyldan ekinshi aýylǵa jolǵa shyqqan er adam qaıtyp oralmaǵany týraly habar kelip túsken.
«Er adam Qarasý jáne Orlovka aýyly arasynda adasyp ketti. Qutqarýshylar men polıtsııa qyzmetkerleri túni boıy er adamdy izdep, tańerteń ǵana tapty»,- deıdi vedomstvonyń baspasóz qyzmeti.
Er adamnyń sózinshe, onyń kóligi Qarasý jáne Orlovka aýyldarynyń arasynda isten shyqqan. Sol sebepti ol qasyndaǵy serigin kólikte qaldyryp, ózi Qarasý aýylyna kómekke attanǵan. Alaıda, ol jolda adasyp, dalada túneýge májbúr bolady.
«Іzdestirý sharalary kezinde 1966 jylǵy er adam tańerteń saǵat 10:00 shamasynda aýylaralyq joldyń boıynda aman-esen tabyldy, dárigerdiń kómeginen bas tartty»,- dep tolyqtyrdy vedomstvodan.
Adasyp qalǵan turǵynnyń aıtýynsha, ol Esil aýdanyna jumys isteýge kelgen.
