Aqmola oblysynda dala órtin sóndirmek bolǵan er adam kóz jumdy
KÓKShETAÝ. QazAqparat - Aqmola oblysynda naızaǵaıdyń túsýinen dala órti órship, ony sóndirmekshi bolǵan er adamnyń denesin kúıik shalyp kóz jumdy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, maýsymnyń 4-de Birjan sal aýdanynda dala órti oryn aldy.
Órt sóndirýshiler jetkenshe tilsiz jaýdy Krasnoflotsk aýyldyq okrýginiń jergilikti atqarýshy organdary jáne Belaǵash aýylynyń 6 turǵyny aýyzdyqtaýǵa tyrysqan.
Okrýg ákimi Aman Táshimovtyń aıtýynsha, turǵyndar dala órtin sóndirýge ózderi shyqqan.
Óıtkeni, órt Belaǵash aýylyna qaraı 7 shaqyrym jerde bolǵan.
«Okrýg áki atap ótkendeı, órtti sóndirý kezinde kenetten ekpindi jel turyp, turǵyndar qyzyl jalynnyń qorshaýynda qaldy. Olar dereý qaýipsiz jerge shyqty. Alaıda, 1984 jylǵy turǵyn ottyń ortasynda qaldy. Er adam termııalyq kúıik alyp, Stepnıak qalasyndaǵy aýdandyq aýrýhanaǵa apara jatqan jolda kóz jumdy» - dedi vedomstvodan.
Osy rette, Aqmola oblystyq TJD mamandary óńirde kúnniń aptap ystyq bolýyna baılanysty turǵyndaryn órt qaýipsizdigi erejelerin saqtaýǵa shaqyrady.
