Aqmola oblysynda dəri-dərmek jyl sońyna deıin qymbattamaıdy

KÓKShETAÝ. QazAqparat - Aqmola oblysynyń ákimdigi men QR Densaýlyq saqtaý mınıstrligi Farmatsııa komıtetiniń departamenti jáne densaýlyq saqtaý basqarmasynyń Kókshetaý qalasy boıynsha farmatsevtıka qyzmetiniń sýbektileri arasynda medıtsınalyq ónimder men dəri-dərmek baǵasyn turaqty ustap turý jóninde memorandýmǵa qol qoıyldy, dep habarlaıdy "QazAqparat" HAA tilshisi.

Osy memorandým aıasynda halyqtyń əljýaz toptarynyń dəri-dərmekke qoljetimdiligin qamtamasyz etý kózdelgen. Memorandým kúshi 2017 jyldyń sońyna deıin saqtalmaq.

Oblys ortalyǵyndaǵy dəri-dərmek satýshylar óz kezeginde asqyný men ystyqty basatyn preparattardy, antıbıotıkter men 105 ataýly ózge de dárilerdi belgilengen bólshek saýda baǵasyna saı turaqty ustap turýdy óz jaýapkershilikterine alyp otyr.

Eske sala keteıik, Qazaqstanda dəri-dərmek jáne medıtsınalyq maqsattaǵy ónimder baǵasyn memlekettik retteý tegin medıtsınalyq kómektiń kepildendirilgen kólemi sheńberinde júzege asyrylady. Dəri-dərmek ataýlarynyń tizilimin QR Densaýlyq saqtaý mınıstrligi bekitken jáne olar memorandýmǵa qol qoıǵan jekemenshik dárihanalarda ilinip turady.

Bul baǵyttaǵy jumystar aldaǵy ýaqytta aýdan əkimdikteri men jekemenshik dárihana uıymdary arasynda da qolǵa alynatyn bolady.