Aqmola oblysynda tsıfrlyq tehnologııany 20-dan astam kásiporyn qoldanady

KÓKShETAÝ. QazAqparat - Aqmola oblysynda 20-dan astam iri ónerkásip orny Idýstrııalandyrý 4.0 ustanymyndaǵy tsıfrlyq tehnologııany qoldanady. Bul týraly  Aqmola oblysynyń ákimi Málik Myrzalın turǵyndar aldyndaǵy eseptik kezdesýinde aıtty, dep habarlaıdy QazAqparat tilshisi.

Ákimniń baıandamasynda aıtylǵandaı óńirde Indýstrııalandyrý kartasy sheńberinde óńdeýshi sektordy damytý maqsatymen quny 500 mıllıard teńgelik 10 joba júzege asyrylýda. Jobanyń 6-aýyn (53,4 mlrd teńge) bıylǵy jyly paıdalanýǵa berý josparlanǵan.

«Memleket basshysynyń Joldaýynda kórsetilgen mindetterge saı óndiristik protsesterdi tsıfrlandyrý jumysy jalǵasyn tabady. Bul eńbek ónimdiligin eseleı arttyrýǵa múmkindik beredi.

Búgingi kúni óńdeý óndirisinde eńbek ónimdiligi 30 myń AQSh dollarynan aspaıdy. Byltyr iske qosylǵan jańa óndiris oryndary bul kórsetkishti barynsha ósirýge negiz bolmaq. Mysaly, «Kókshe Tsementtiń» jobalyq qýatyna shyǵýymen jyldyq ónimdilik 90 myń dollarǵa jetkiziledi dep josparlanǵan.

Óńirdiń 20-dan astam iri ónerkásip kásiporny qazir Idýstrııalandyrý 4.0 ustanymyndaǵy tsıfrlyq tehnologııany qoldanady. Búgingi kúni bizdiń kásiporyndardyń árqaısysy sátti jáne básekege qabiletti bolý úshin jańa tehnologııalardy júzege asyrýda platsdarm jasaýy kerek», - dedi M.Myrzalın.