Aqmola oblysynda tsıfrlandyrý jumystary qalaı júrip jatyr
Keńse jumysynyń basty mindeti - ekonomıkanyń damýy jáne halyqtyń ál-aýqatynyń artýyn jyldamdatýdy qamtamasyz etýde qolǵa alynǵan «Tsıfrlyq Qazaqstan» memlekettik baǵdarlamasyn óńirde júzege asyrý.
«Smart Aqmola» KMK basshysy Ǵalymjan Bejentaev aımaq basshysyna júzege asyrylǵan jobalar týraly aıtyp berdi. Bulardyń arasynda Aqmola oblysynyń geo.smartaqmola.kz geoportaly jáne oblys ákimdiginiń aqparattyq-taldaý júıesi bar.
Sonymen qatar, aımaq basshysyna óńirdiń barlyq aqparattyq júıesi enetin biryńǵaı núktesi «Smart Aqmola» platformasy tanystyryldy. Qala jáne oblys turǵyndary Android platformasy arqyly tıisti mobıldi qosymshany júktep alýyna bolady. Qazirgi kezde bul joba pılottyq rejımde jumys isteýde. Keleshekte aqmolalyqtar «Smart Aqmola» arqyly barlyq qyzmetterdi paıdalana alady. Ásirese, týrıstik geoportalǵa shyǵýǵa, balany balabaqshaǵa qoıý jáne balabaqsha kezegin baqylaýǵa, dárigerge jazylýǵa múmkindik jasalǵan.
Keńse ashylǵaly beri «balany mektepke qabyldaýdy avtomattandyrý», «mektepke deıingi uıymdarǵa joldama berý jáne kezekke qoıý protsesterin avtomattandyrý» tárizdi qyzmetter iske qosyldy. Turǵyn úı-kommýnaldyq salada «E-KSK» qosymshasy jáne oblys ortalyǵynda «Qaýipsiz qala» jobasynyń birqatar elementteri iske qosyldy.
Budan bólek, Kókshetaý qalasynda qoǵamdyq kólik aqysyn tóleý jáne baqylaýdyń avtomattandyrylǵan júıesin engizý josparda bar. Bul júıede jol aqysyn qolma-qol jáne basqa joldarmen tóleý formasy qoldanylady.
Sondaı-aq, barlyq memlekettik organdardyń, kommýnaldyq kásiporyndardyń call-ortalyqtaryn biriktiretin táýlik boıy jumys isteıtin biryńǵaı dıspetcherlik qyzmetti engizý josparda bar. Kókshetaý qalasy aýmaǵynda smart-kvartal qurý, ondaǵy TKSh júıesindegi tsıfrly jańalyqtar qala boıynsha taratylyp otyrady. Bul kvartalǵa smart-jaryqtandyrý, «aqyldy» domofon jáne shlagbaým, negizgi qor jaǵdaıyn esepteýdi avtomattandyrý, aýa salqyndatqyshy, Wi-Fi, arnaıy shaqyrý tetigi jáne beınebaqylaýy bar jańa úlgidegi aıaldama kiredi.
Keńse jumysymen tanysqan aımaq basshysy Ermek Marjyqpaev «Tsıfrlyq Qazaqstan» memlekettik baǵdarlamasy sheńberinde engizilip otyrǵan barlyq aqparattyq júıeni tolyq biriktirý qajettigin atap ótti. Jaýapty tulǵalarǵa tsıfrlandyrý qarqynyn jyldamdatýdy tapsyrdy. «Smart Aqmola» basshylyǵyna keńseniń jumysyn open space formatynda ashyq jáne taza uıymdastyrýdy mindettedi.
