Aqmola oblysynda buzaqy kóshede ótip bara jatqan adamdy atty
ASTANA. QazAqparat - Búgin QR Іshki ister mınıstrliginiń resmı ókili Almas Sadýbaev elimizdiń aýmaǵynda birneshe qylmystyń ashylǵanyn málim etti, dep habarlaıdy QazAqparat tilshisi.
Atap aıtqanda, Aqmola oblystyq ІІD qyzmetkerleri Kókshetaý qalasynda avtogaz quıatyn stansaǵa qaraqshylyq shabýyl jasap, 135 myń teńgeni alyp ketken jergilikti turǵyndy ustaǵan. Sonymen qatar Kókshetaýda kóshede ótip bara jatqan adamdy buzaqylyq nıetpen travmatıkalyq qarýmen jaraqattaǵan jergilikti turǵyndy qolǵa túsirdi. Ol buǵan deıin de sotty bolǵan.
«Qostanaı oblystyq ІІD qyzmetkerleri buǵan deıin sottalǵan Rýdnyı qalasynyń turǵynyn ustady. Ol azyq-túlik dúkenine qaraqshylyq shabýyl jasaǵan. Al Shymkent qalasynda krımınaldy polıtsııa qyzmetkerleri jeke turǵyn úıge qaraqshylyq shabýyl jasap, 20 myń dollardan astam qarajatty alyp ketken qaraqshynyń seriktesin qolǵa túsirdi. Buǵan deıin oǵan halyqaralyq izdeý jarııalanǵan bolatyn», - dedi Almas Sadýbaev brıfıng barysynda.
Munan bólek, resmı ókildiń sózine qaraǵanda, Petropavl qalasynda jergilikti turǵynnan 5 keli geroın tárkilense, Temirtaý qalasynda garaj kooperatıvi aýmaǵynan 120 keli marıhýana salynǵan qapshyq tabylǵan.
