Aqmola oblysynda bútin bir otbasy koronavırýs juqtyrdy
KÓKShETAÝ. QazAqparat – Aqmola oblysynda 5 adamnan koronavırýs ınfektsııasy tabyldy. Olardyń barlyǵy bir otbasynyń músheleri, dep habarlaıdy QazAqparat tilshisi oblystyq taýarlar jáne kórsetiletin qyzmetterdiń sapasy men qaýipsizdigin baqylaý departamentine silteme jasap.
Vedomstvonyń málimetinshe, indet juqtyrǵandar - Tselınograd aýdanynyń Qaraótkel kentindegi bir úıde turatyndar. Koronavırýs ınfektsııasy 1964 jylǵy er adam, 1991 jylǵy áıel, sondaı-aq 2011, 2014 jáne 2019 jylǵy balalardan anyqtaldy. Bulardyń barlyǵy buryn koronavırýs juqtyrǵan adammen jaqyn baılanysta bolǵan jáne olardan epıdemıologııalyq kórsetkishter boıynsha synama alynǵan. Naýqastar Kókshetaý qalasyndaǵy Aqmola oblystyq týberkýlezge qarsy dıspanseriniń stantsıonarynda emdeletin bolady.
«Úı oshaǵynda epıdemııaǵa qarsy is-sharalar qolǵa alynýda. Naýqastarmen baılanysty bolǵan adamdary anyqtaý boıynsha sanıtarlyq-epıdemıologııalyq sharalar júrgizilýde. Sondaı-aq, dezınfektsııalaý uıymdastyrylýda», - deıdi vedomstvodan.
Osy jaǵdaı tirkelgenge deıin oblystyń statsıonarlarynda 27 naýqas bolǵan, onyń ishinde ýaqytsha statsıonarda – 16, ınfektsııalyq statsıonarda – 11, úı karantıninde – 482 adam oqshaýlanǵan.
