Aqmola oblysynda burynǵy poshta qyzmetkeri 1 mln teńgeni ıemdenip ketken
KÓKShETAÝ. QazAqparat - Aqmola oblysynda burynǵy poshta qyzmetkeri 1 mln teńgeni ıemdenip aldy degen kúdikke ilindi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, bıylǵy jyldyń 25 mamyrynda Shortandy aýdandyq PB kezekshi bólimine Novoselovka aýylynyń 59 jastaǵy turǵynynan aryz túsken. Áıeldiń sózinshe, 2018 jylǵy jeltoqsannan bastap 25 mamyrǵa deıin belgisiz bireýler onyń «Qazposhta» AQ-daǵy shotynan 993 myń 500 teńge kóleminde aqsha qarajatyn alǵan. Jedel-izdestirý is-sharalary barysynda polıtsııa qyzmetkerleri buryn «Qazposhta» AQ-da jumys istegen osy aýyldyń 32 jastaǵy turǵynyn anyqtady. Qaskúnem bul áreketin moıyndady.
«Qazirgi ýaqytta osyǵan baılanysty Qylmystyq kodekstiń 189-babynyń 2-bóligi «senip tapsyrylǵan múlikti ıemdený nemese ysyrap etý» boıynsha sotqa deıingi tergeý sharalary júrgizilýde. Kúdiktige qatysty shaqyrǵanda kelý mindettemesi túrinde májbúrleý sharasy tańdaldy. Tergeý sharalary jalǵasýda», - dedi vedomstvodan.
