Aqmola oblysynda burynǵy ákimge qatysty qozǵalǵan qylmystyń istiń baby ózgertildi
KÓKShETAÝ. QazAqparat - Aqmola oblysynyń Esil aýdanyndaǵy Kýrsk aýylynyń burynǵy ákimi Vladımır Ragoznyıǵa qatysty qozǵalǵan qylmystyń istiń baby ózgertildi, dep habarlaıdy QazAqparat tilshisi.
Aqmola oblysynyń ІІD baspasóz qyzmetiniń deregi boıynsha, aýyldasy Barjaqsy Jamyshevtiń ólimi boıynsha aıyptalǵan ákim óz isine jaýap berýge qabiletti. Osyǵan qaraı oǵan qatysty qozǵalǵan qylmystyq istiń «ózin-ózi óltirýge ıtermeleý» baby, QR QK-niń 106-babynyń 3-bóligine aýystyryldy. Tergeý amaldarynyń qupııalylyǵy úshin ІІD budan basqa málimet berýden bas tartty.
Sonymen qatar, marqumnyń áıeli Tatıana da tergeý amaldary júrgizilip jatqandyqtan tolyq málimet bere almaıtyndyǵyn aıtty.
Eske sala keteıik, Kýrsk aýylynyń burynǵy ákiminiń ústinen eki bap boıynsha - QR QK 346-babynyń 1-bóligi (Kólik júrgizý quqyǵynan aıyrylǵan tulǵanyń kólik basqarýy) jáne QR QK 105-babynyń 1-bóligi (Ózin-ózin óltirýge ıtermeleý) boıynsha is qozǵalǵan edi.
Al naqty sheshim qylmystyq iske qatysty barlyq mán-jaı anyqtalǵan soń jáne saraptama qorytyndysynan keıin shyǵarylýy tıis bolatyn.
