Aqmola oblysynda «Býrabaı-2017» jelkendi regatynyń jeńimpazdary anyqtaldy
KÓKShETAÝ. QazAqparat - Aqmola oblysynyń Býrabaı kýrortynda «EKSPO-2017» kórmesi sheńberinde jelkeńdi «Býrabaı-2017» regaty ótti, dep habarlaıdy «QazAqparat» HAA tilshisi.
Sharaǵa Şýche kóliniń jaǵasynda ashylǵan «BurabayMarineClub» ıaht klýbynyń músheleri uıytqy bolǵan. Jelkeńdi regat jarysyna elimizdegi jáne Reseıdiń Omby, Ekaterınbýrg tárizdi qalalarynan kelgen tájirıbeli jáne jas ıahtashylar qatysyp, kúsh synasty. Qazaqstannyń namysyn qorǵaǵandardyń arasynda kókshetaýlyqtarmen qatar 2012 jyly Haıkoý qalasynda ótken Álem chempıonatynyń júldegeri, kaıtserfıngten sport sheberi Aleksandr Parhomenko men 2015 jyly jelkendi sporty boıynsha Reseı Federatsııasynyń chempıony Sergeı Voronov boldy. Sharaǵa Aqmola oblystyq týrızm basqarmasynyń basshysy Shynarbek Batyrhanov qatysyp, quttyqtaý sóz sóıledi.
Jarys jeńimpazdary alty kezeń boıynsha anyqtaldy. Nátıjesinde eń kóp upaı jınaǵan Olga Sherdakova bastaǵan ekaterınbýrgtik «Spreı» komandasy jeńimpaz atansa, júldeli ekinshi orynǵa kókshetaýlyq Sergeı Voronovtyń «Ochag» komandasy laıyqty dep tanyldy. Al, Aleksandrom Porhomenko bastaǵan taǵy bir kókshetaýlyq «Blıýz» komandasy úshin oryn aldy.
Jelkendi regat jarysy bard ánimen aıaqtaldy. Onyń ishinde jerles sýretshi, týrızm taqyrybyndaǵy kóptegen ánderdiń avtory Rashıd Mınnıhanov úzdik bard atandy.
