Aqmola oblysynda buqaralyq sport qalaı damyp jatyr
Respýblıka boıynsha Aqmola oblysy dene shynyqtyrýmen jáne sportpen aınalysatyn azamattardy qamtý boıynsha 3-shi orynan kórindi.
Oblystyq dene shynyqtyrý jáne sport basqarmasynyń máli melimetinshe, balalar men jasóspirimderdi sport mektepteri men klýbtarynyń sektsııalarymen qamtýdyń ósýi baıqalady.
2021 jyldyń qorytyndysy boıynsha sport mektepterinde jáne balalar-jasóspirimder klýbtarynda shuǵyldanýshylar sany 3,4 myń adamǵa artyp, 24557 adamdy nemese 15,6 paıyzdy qurady.
B úgingi kúni oblysta 1252 dene shynyqtyrý ujymy jumys isteıdi, olarda 262707 adam shuǵyldanady.
Aqmola oblysynyń aýdandyq jáne qalalyq dene shynyqtyrý jáne sport bólimderiniń statıstıkalyq derekteri boıynsha dene shynyqtyrýmen jáne sportpen aınalysý úshin 2521, onyń ishinde aýylda – 1736 sporttyq ǵımarat bar.
Sport ınfraqurylymymen qamtamasyz etý - 56,5 paıyz.
«Oblysta dene shynyqtyrý-saýyqtyrý keshenderiniń qurylysy júrgizilýde. 2020 jyly Arshaly aýdany Arshaly kentindegi Birjan sal aýdanynda Fokstyń qurylysy aıaqtaldy. 2021 jyly «Aýyl – el besigi» jobasy sheńberinde Tselınograd aýdanynyń Aqmol aýylyndaǵy dene shynyqtyrý-saýyqtyrý kesheniniń qurylysy aıaqtaldy, Shortandy aýdany Shortandy kentindegi stadıonǵa jergilikti bıýdjet qarajaty esebinen kúrdeli jóndeý júrgizildi. Sondaı-aq, jeke ınvestıtsııalar esebinen Atbasar aýdanynyń Shýıskoe aýylynda sport kesheniniń qurylysy aıaqtaldy («Shýıskoe»JShS)». Jergilikti bıýdjet qarajaty esebinen Ereımentaý qalasynda dene shynyqtyrý-saýyqtyrý kesheniniń, Şýchınsk qalasynda sport saraıynyń qurylysy júrgizilýde. Qorǵaljyn aýdany Qorǵaljyn aýylynda dene shynyqtyrý-saýyqtyrý kesheniniń qurylysyna jobalyq smetalyq qujattamasy ázirlendi», - dedi oblystyq dene shynyqtyrý jáne sport basqarmasynyń basshysy Áset Búkibaev.
Basqarma basshysynyń aıtýynsha, budan bólek, «Aýyl - el besigi» baǵdarlamasy sheńberinde Býrabaı aýdanynyń Mádenıet aýylynda, Jaqsy aýdanynyń Jaqsy aýylynda sport kesheniniń qurylysy, sondaı-aq Sandyqtaý aýdanynyń Balkashıno aýylyndaǵy «Ýrojaı» stadıonyn qaıta jańartý júrgizilýde.
Jeke ınvestıtsııa esebinen Jaqsy aýdanynyń Belaǵash aýylynda sport kesheniniń qurylysy júrgizilýde («TUK»JShS).
«Halyqtyń bos ýaqytyn uıymdastyrý úshin qazirgi zamanǵy sport alańdaryn ornatý boıynsha jumystar aıaqtaldy, bul obektilerdiń qurylysy jergilikti bıýdjet, sondaı-aq sharýashylyq júrgizýshi sýbektiler qarajaty esebinen júrgizilýde. 2021 jyly oblys boıynsha 34 sport alańy jabdyqtaldy. 2022 jylǵa oblystyq bıýdjetten 9 aýdandaǵy (Aqkól, Atbasar, Bulandy, Býrabaı, Esil, Jarqaıyń, Birjan sal, Tselınograd, Shortandy) 25 sport alańyn jabdyqtaýǵa, Tselınograd aýdanynyń Qabanbaı batyr aýylyndaǵy jáne Egindikól aýdanynyń Egindikól qalasyndaǵy stadıondardy aǵymdaǵy jóndeýge, sondaı-aq Aqkól aýdanynyń Novorybınka aýylyndaǵy sport zalyn kúrdeli jóndeýge qarajat bólindi. Oblysta turǵyndardyń bos ýaqytyn uıymdastyrý úshin qazirgi zamanǵy sport alańdaryn salý boıynsha jumystar aıaqtaldy, bul obektilerdiń qurylysy jergilikti bıýdjet, sondaı-aq sharýashylyq júrgizýshi sýbektiler qarajaty esebinen júrgizilýde. 2021 jyly oblys boıynsha 34 sport alańy jabdyqtaldy», - dep tolyqtyrdy Áset Búkibaev.
Basqarma basshysy atap ótkendeı, salaýatty ómir saltyn nasıhattaý maqsatynda oblys boıynsha 2021 jyly 152697 adamnyń qatysýymen 1356 sporttyq-buqaralyq is-shara ótkizildi, onyń ishinde aýylda 128908 adamnyń qatysýymen 900-den astam is-shara ótkizildi.
Oblys ákimdiginiń «keshendi oblystyq spartakıadalar ótkizý týraly» qaýlysyna sáıkes jáne bas sanıtarlyq dárigerdiń ruqsatymen sporttyń 11 túri boıynsha ulttyq jáne halyqtyq sport túrleri boıynsha «Qulager» spartakıadasy uıymdastyryldy.
2021 jyly prezıdenttik testileýge 106875 adam qatysty, bul oblys halqynyń jalpy sanynyń 16,4 paıyzyn qurady (ótken jyly 1,8 paıyzǵa joǵary).
Prezıdenttik deńgeıdi 2680 adam (qatysýshylardyń jalpy sanynyń 2,5 paıyzy) ulttyq deńgeıdi – 11042 adam (10,3 paıyz) oryndady.
«Dene múmkindikteri shekteýli adamdardy dene shynyqtyrýmen jáne sportpen aınalysýǵa tartý boıynsha belsendi jumys júrgizilýde. 2014 jyldyń qazan aıynan bastap oblysta osy sanattaǵy adamdarǵa arnalǵan «Mergen» sport klýby jumys isteıdi, onda osy sanattaǵy 350 adam shuǵyldanady. Aǵymdaǵy jyly klýbta zııatkerlik múmkindikteri shekteýli balalarǵa arnalǵan «Speshıal olımpıks» baǵdarlamasy boıynsha bólimsheler ashyldy, Kókshetaý qalasynda sporttyń tórt túri (Jeńil atletıka, shaǵyn fýtbol, toǵyzqumalaq, shańǵy jarysy) boıynsha 73 bala qamtyldy. Byltyrǵy sáýir aıynda Esil aýdanynda kórý qabileti buzylǵan adamdarǵa arnalǵan golbol bólimshesi ashyldy. Klýb basshylyǵymen geografııany keńeıtý boıynsha jumystar júrgizilýde, búgingi kúni klýb quramynda oblystyń 9 óńirinen (Kókshetaý, Stepnogor qalalary, Atbasar, Býrabaı, Jarqaıyń, Jaqsy, Sandyqtaý, Tselınograd, Esil aýdandary) sportshylar bar», - dep túıindedi basqarma basshysy.
