Aqmola oblysynda býhgalter ETsQ arqyly bıýdjet qarjysyn urlaǵan

KÓKShETAÝ. QazAqparat - Aqmola oblysynda býhgalter ETsQ arqyly bıýdjet qarjysyn urlaǵan. Bul týraly densaýlyq saqtaý salasyndaǵy sybaılas jemqorlyqtyń aldyn alýdy kúsheıtý máseleleri qaralǵan onlaın ótken beınekonferentsııada aıtyldy, dep habarlaıdy QazAqparat tilshisi Aqmola oblysy boıynsha Sybaılas jemqorlyqqa qarsy is-qımyl departamenti baspasóz qyzmetine silteme jasap.

Qazirgi ýaqytta is sotta qaralýda.

«Zańdylyqtyń buzylýyna basshylyq tarapynan tıisti baqylaýdyń bolmaýy, qarjylyq qaýipsizdikti qamtamasyz etý boıynsha jumystyń tómen uıymdastyrylýy sebep boldy. Tergeý-jedel tájirıbesin taldaý kórsetkendeı, óńirdiń densaýlyq saqtaý júıesindegi sybaılas jemqorlyq qylmystardyń jıi kezdesetin túrleri qyzmettik ókilettilikti teris paıdalaný, senip tapsyrylǵan bóten múlikti ıemdený nemese ysyrap etý jáne paraqorlyq bolyp tabylady»,- deıdi vedomostvodan.

Sonymen qatar, jıynda aıtylǵandaı, buryn memlekettik satyp alý týraly shart jasasqany úshin jeke kásipkerden 5 mıllıon teńge somasynda para alǵan «Býrabaı» respýblıkalyq ońaltý ortalyǵynyń dırektory Isaev 3,6 jyl merzimge sottaldy.

«Bıyl densaýlyq saqtaý salasyna memleket tarapynan 5,9 mıllıard teńge bólindi. Ókinishke oraı, osy saladaǵy sybaılas jemqorlyq quqyq buzýshylyqtardyń statıstıkalyq sandary da az emes. Densaýlyq saqtaý júıesindegi sybaılas jemqorlyqtyń qoǵamdyq qaýiptiligi óte joǵary ekenin túsiný qajet, óıtkeni urlanǵan qarajat dári – dármekterge, medıtsınalyq jabdyqtarǵa, qoryta alǵanda emdeýge jáne adamdardyń ómirin saqtaýǵa barýǵa tıis edi. Elimizde qalyptasqan epıdemıologııalyq jaǵdaıynda bul másele óte ózekti. Sondyqtan, barlyqtaryńyzdy qyzmettik paryzdy adal oryndaýǵa shaqyramyn», - dep atap ótti aımaqtyq Sybaılas jemqorlyqqa qarsy qyzmettiń basshysy Murat Tóleýbaev.