Aqmola oblysynda boranda jolda qalǵan 85 adam qutqaryldy
KÓKShETAÝ. QazAqparat – Aqmola oblysynda boranda jolda qalǵan 85 adam qutqaryldy, onyń 19 bala, dep habarlaıdy QazAqparat tilshisi.
«Oblys aýmaǵynda 7 jáne 8 naýryz aralyǵynda aqtútek boran boldy. Aýa raıynyń qolaısyzdyǵyna qaramastan jolǵa shyǵyp, qar qursaýynda qalǵan 85 adam qutqaryldy, onyń 19-y bala. Balalar arasynda bir jasqa deıingi sábıler de bar. Órt sóndirýshi-qutqarýshylardyń jedel is-qımyldarynyń arqasynda jolaýshylar jylytý oryndaryna evakýatsııalandy. Qutqarý jumystary Býrabaı jáne Arshaly aýdandarynda júrgizildi, qutqarýshylar táýlik boıy jumys istedi», - dedi vedomstvodan.
Osy rette, Aqmola oblysy Tótenshe jaǵdaılar departamentiniń qyzmetkerleri aqmolalyqtarǵa joldardyń jabylýy týraly sms-habarlama alǵan kezde jolǵa shyqpaýǵa keńes beredi.
Aıta ketsek, naýryzdyń 7-de Shortandy aýdanynyń Bozaıǵyr aýyly mańynda, ıaǵnı «Nur-Sultan-Petropavl» avtojolynda jappaı jol-kólik oqıǵasy oryn alǵan bolatyn.
