Aqmola oblysynda boranda jolda qalǵan 80 adam evakýatsııalandy
KÓKShETAÝ. QazAqparat - Aqmola oblysynda bir tún ishinde boranda jolda qalǵan 80 adam evakýatsııalanyp, jylytý oryndaryna jetkizildi, dep habarlaıdy QazAqparat tilshisi.
«Aýa raıynyń nasharlaýyna baılanysty 29-30 naýryz aralyǵynda óńirde respýblıkalyq mańyzy bar 21 jáne oblystyq mańyzy bar 35 avtojolda kólik qozǵalysy toqtatyldy. Alaıda, joldyń jabylýy týraly habarlamany elemeı jolǵa shyqqan 80 adamdy qutqarýshylar jylytý oryndaryna zvakýatsııalady. Olardyń arasynda balalarda bar. Qutqarý jumystary Bulandy, Shortandy, Jaqsy, Esil, Arshaly, Astrahan, Tselınograd, Qorǵaljyn jáne Atbasar aýdandarynda júrgizildi«, - dedi Aqmola oblystyq TJD baspasóz qyzmetinen.
Sonymen qatar, ekpindi jel men borannan Qosshy qalasynda 5 qabatty eki turǵyn úıdiń jáne Arshaly kentinde eki ákimshilik ǵımarattyń shatyryna zalal keldi. Qaza bolǵandar men zardap shekkender joq.
Osy rette, Aqmola oblysynyń TJD qyzmetkerleri óńir turǵyndaryna aýa raıynyń jaısyzdyǵyn eskertip, eldi mekenderden tys jerlerge shyqpaýdy suraıdy. Joldardyń jabylýy týraly aqparatty «Dármen» qosymshasy arqyly nemese 1403 baılanys nómiri boıynsha bilýge bolady.
