Aqmola oblysynda boranda joǵalǵan úsh traktorshy tabyldy
KÓKShETAÝ. QazAqparat – Aqmola oblysynyń Esil aýdanynda borandy kúni shóp ákelýge ketip, iz-túzsiz joǵalǵan úsh traktorshy tabyldy, dep habarlaıdy QazAqparat óńirlik tótenshe jaǵdaılar departamentiniń baspasóz qyzmetine silteme jasap.
Eske sala keteıik, osyǵan deıin habarlaǵanymyzdaı, K-700, MTZ-80 jáne MTZ-82 traktorlaryna minip, shópke ketken «Prestıj» sharýa qojalyǵynyń úsh traktorshysy joǵalyp ketken edi. Keıin belgili bolǵandaı, olar keshe tańerteń dittegen jerine baryp, shóp artyp, keshkisin aýylǵa qaraı jolǵa shyqqan. Alaıda, aqtútek borannan jumysshylar sol kúıi úılerine oralmady. Іzdestirý sharalaryna DEÝ, aýdandyq TJB jáne jergilikti polıtsııa qyzmetiniń qyzmetkerleri jumyldyryldy.
Óńirlik TJD baspasóz qyzmetiniń málimetinshe,búgin keshkisin úsh traktorshy da aman-esen tabyldy. Bul týraly izdestirý toby vedomstvonyń baspasóz qyzmetine vıdeojazba joldady. Onda traktorshylardyń ózderin izdeýge atsalysqan DEÝ, aýdandyq TJB jáne jergilikti polıtsııa qyzmetiniń qyzmetkerlerine alǵys aıtyp jatqanyn baıqaýǵa bolady.
«Úsh traktorshy da aman esen tabyldy. Ázirge, osyndaı ǵana aqparat bar. Tolyq málimetti keıin habarlaıtyn bolamyz» dep túsindirdi vedomstvonyń baspasóz hatshysy Dınara Esenbaeva.
