Aqmola oblysynda boranda adasqan eki balyqshy qutqaryldy

KÓKShETAÝ. QazAqparat – Boranda Aqmola oblysynyń Úlken Shabaqty kólinde adasyp qalǵan balyqshylar qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.

Vedomstvonyń málimetinshe, qutqarýshylar eki balyqshyny «Trekol» avtokóligimen Aqylbaı aýylyndaǵy týystarynyń úıine evakýatsııalady. Balyqshylarǵa medıtsınalyq jáne psıhologııalyq kómek qajet bolǵan joq.

«Dosymyz ekeýimiz keshe tústen keıin balyq aýlaýǵa shyqtyq. Búgin tańǵy saǵat 9 shamasynda adasyp qaldyq. Aldymen ózimiz shyǵýǵa tyrystyq, keıin kóligimiz isten shyǵyp, «112» jelisi arqyly qońyraý shalyp, kómek suradyq», - deıdi kókshetaýlyq balyqshy Anatolıı Demkın.

Aqmola oblystyq TJD qyzmetkerleri óńir turǵyndary men qonaqtaryna aýa raıynyń nasharlaýyna baılanysty eldi mekenderden tys jerlerge shyqpaýǵa keńes beredi.