Aqmola oblysynda bokstan álem chempıony Temirtas Júsipovke qurmet kórsetildi
KÓKShETAÝ. QazAqparat - Aqmola oblysynyń Zerendi aýdany Qyzyltań aýylynda bokstan álem chempıony Temirtas Júsipovke qurmet kórsetildi, dep habarlaıdy QazAqparat tilshisi.
Zerendi aýdany ákimi baspasóz qyzmetiniń málimetinshe, aýdandyq máslıhat hatshysy Qaırat Aýǵalıev ulttyq salt-dástúr boıynsha aýdan ákiminiń atynan bylǵary qolǵap sheberi Temirtas Júsipovtyń ıyǵyna shapan japty.
«Temirtasty álem chempıonatyndaǵy altyn medalimen quttyqtaımyn! Biz sizderdiń jeńisterińizdiń kýási boldyq. Búgin dańqty sportshyny bizdiń kıeli Zerendi topyraǵynda qarsy alý - úlken qurmet! Bul kezdesýdiń máni zor, bul jas sportshylarymyzdy jańa jetistikter men jeńisterge umtylýǵa ıtermeleıdi», - dep jazylǵan Zerendi aýdanynyń ákimi Ásen Jaqsylyqov sportshyǵa joldaǵan quttyqtaý hatynda.
Qyzyltań aýylyndaǵy mekteptiń sport zalynda chempıonnyń qurmetine jasóspirim boksshylar arasynda kezdesýler uıymdastyryldy. Temirtas Júsipov - qazaqstandyq boksshy, halyqaralyq dárejedegi sport sheberi, 2013 jylǵy Azııa chempıony, 2015 jylǵy Dúnıejúzilik boks serııasynyń (WSB) chempıony, Qazaqstannyń 5 dúrkin chempıony (2013-2014, 2016-2018). Jaqynda aqmolalyq Belgradta ótken álem chempıonatynda altyn medal jeńip aldy.
