Aqmola oblysynda bıyl 4597 túlek mektep bitiredi

KÓKShETAÝ. QazAqparat - Aqmola oblysynda 135642 oqýshy oqý jylyn aıaqtaıdy. Onyń ishinde 4597 túlek 11-synypty bitiredi, dep habarlaıdy QazAqparat tilshisi.

Aqmola oblystyq bilim basqarmasy baspasóz qyzmetiniń málimetinshe, óńirde barlyǵy 542 mektep jumys isteıdi (536 memlekettik jáne 6 jekemenshik mektep) jumys isteıdi, onda 135642 astam oqýshy bilim alady.

«Bıylǵy oqý jylynda orta mektepti, ıaǵnı 11-synypty 4597 (2022 jyly – 4617) túlek aıaqtaıdy. Onyń 2655 memlekettik tilde bolsa, 1942 orys tili. Olardyń arasynda 244 bala «Altyn belgi» tósbelgisine, 334 úzdik attestatqa úmitker», - dedi basqarmanyń baspasóz qyzmetinen.

Vedomstvodan atap ótkendeı, sonymen birge, óńirde negizgi mektepti, ıaǵnı 9 – synypty aıaqtaıtyn 12043 (2022 jyly-10681) túlek bolsa, onyń ishinde 913 bala nemese 7,5 paıyzy úzdik attestatqa bitirýshiler.

Aıta ketsek, budan buryn Aqmola oblysynda balalardyń jazǵy demalysy qalaı uıymdastyrylatyn jazǵan edik.