Aqmola oblysynda bıyl 4,9 mıllıon gektarǵa dán sebiledi

KÓKShETAÝ. QazAqparat - Aqmola oblysynda bıylǵy jyly barlyǵy 4,9 mıllıon gektar alqapqa dán sebiledi. Onyń 91 paıyzy nemese 4 mıllıon 889 myń gektary dándi daqyldar úlesinde, dep habarlaıdy QazAqparat tilshisi.

QR AShM baspasóz qyzmetiniń málimetinshe, dándi daqyldar ishinde 3,7 mıllıon gektardan astamy nemese egis alqabynyń barlyq kóleminiń 77 paıyzyna jazdyq bıdaı egiledi. Bul byltyrǵy jylmen salystyrǵanda 150 myń gektarǵa artyq.

«700 myń gektar jer astam arpa, suly, jasymyq jáne burshaq egýge bólingen. Óte az kólemde sharýalar tary, qaraqumyq jáne nýt sebedi. Maıly daqyldardy 254 myń gektarǵa (2019 jylǵa qaraǵanda 600-ge artyq), aǵymdaǵy jyldyń azyqtyq shópterin 181 myń gektarǵa (3 myńǵa jýyq artyq) ornalastyrý josparlanýda, kartop jáne kókónis alqabyn 2 myń gektarǵa – 20 myńǵa deıin ulǵaıtylmaqshy», - deıdi vedomstvodan.

Qazirgi kezde, oblysta kóktemgi dala jumystaryna qajetti 530 myń tonna tuqym (qajettiliktiń 100,1 paıyz) bar. Búgingi kúni onyń 425 myń tonnasy akkredıttelgen zerthanalarda tekserildi.

Naýqanǵa 14,3 myńnan astam traktor, 16,1 myń tuqym sepkish jáne 1,2 myń birlik ónimdiligi joǵary egis keshenderi jumyldyrylatyn bolady.

Budan bólek, búgingi deıin úkimet tarapynan kóktemgi egis jumystaryna júrgizý úshin óńirge 68 myń tonna kepildi dızel otyny bólinip otyr. Naqtyraq aıtsaq, Pavlodar MSZ-dan – 30 myń tonna, Shymkent munaı zaýytynan – 32 myń tonna jáne Atyraý MÓZ-nan - 6 myń tonna.

Sonymen qatar, «Agrarlyq nesıe korporatsııasy» AQ jáne kredıttik seriktestikter tarapynan tómen paıyzben kóktemgi-egis jumystaryna nesıe berý máseleleri sheshildi. «Aýyl sharýashylyǵyn qarjylaı qoldaý qory» AQ 6 mıllıon teńgege deıingi beretin nesıe - shaǵyn sharýashylyq sýbektilerine jaqsy demeý bolady.

Budan basqa, «Azyq-túlik kelisim shart korporatsııasy» UK» AQ-men birlese otyryp, ótimdi múlik kepildigimen, EDB, «Esil» ÁKK AQ kepildigimen kóktemgi-dala jumystaryna nesıe berý máselesi pysyqtalýda.