Aqmola oblysynda birneshe aýyldyń ataýy qazaqshalanady

ASTANA. QazAqparat – Aqmola oblysyndaǵy bir aýyldyq okrýg pen 2 eldi mekenniń ataýy ózgerýi múmkin, dep habarlaıdy QazAqparat tilshisi.

Ashyq NQA portalynda jarııalanǵan óńir ákimdiginiń qaýlysy men maslıhattyń birlesken sheshim-qujatynda kórsetilgendeı, endi Aqmola oblysynda myna eldi mekenderge qazaqsha ataý berilmek:

- Atbasar aýdany Marınovka aýyldyq okrýgi Amantaı aýyldyq okrýgi bolyp ózgeredi;

- Atbasar aýdany Marınovka aýyldyq okrýginiń Marınovka aýyly Amantaı aýyly bolyp ózgeredi;

- Atbasar aýdany Sergeevka aýyldyq okrýginiń Samarka aýyly Bóriktal aýyly bolyp ózgeredi.

Ákimdik pen maslıhattyń birlesken sheshimi 1 maýsymǵa deıin kópshilik talqylaýda bolady.

Buryn habarlaǵanymyzdaı, bıyl Aqmola oblysynda 60 eldi mekenniń eski ataýy qaıtarylady.