Aqmola oblysynda birqatar joldarda kólik qozǵalysyna shekteý qoıyldy
ASTANA. 15 sáýir. QazAqparat - Shyǵys Qazaqstan oblysynda búgin saǵat 16.30-dan bastap «Óskemen-Zyrıan» avto jolynyń 6-46 shaqyrymynda jáne Ýshanovskıı aýyly men Stepnoe aralyǵynda avtokóliktiń barlyq túrleri úshin jol qozǵalysyna shekteý alyndy. Bul týraly «Qazaqavtojol» RMK baspasóz qyzmetinen habarlady.
Mekemeniń aqparatyna qaraǵanda «Óskemen-Zyrıan» avto jolynyń 6-46 shaqyrymynda joldy taý monolıtinen tazalaý jumystaryna «Qazaqavtojol» RMK-nyń Shyǵys Qazaqstan oblystyq fılıaly №30 jol paıdalaný bólimshesiniń 4 tehnıkasy men 4 jumysshysy jumyldyryldy.
Al Aqmola oblysynda búgin saǵat 12.00-den bastap qolaısyz aýa raıyna (qar, boran, jol kórinisiniń shektelýi) baılanysty «Ekaterınbýrg-Almaty» avtojolynyń 913-963 shaqyrymy, Atbasar-Jaqsy aralyǵy, «Jaqsy-Esil-Buzluq» jolynyń 0-82 shaqyrymy, «Qostanaı-Áýlıekól-Surǵan» aralyǵynyń 232-260 shaqyrymy, Qostanaı obl. shekarasy-Surǵan aralyǵy jáne «Jezqazǵan-Petropavl» jolynyń 552-536 shaqyrymynda avtokóliktiń barlyq túrleri úshin jol qozǵalysyna shekteý qoıyldy.
Qostanaı oblysynda da saǵat 12.30-dan bastap qolaısyz aýa raıyna (qar, boran, jol kórinisiniń shektelýi) baılanysty «Qostanaı-Áýlıekól-Surǵan» avto jolynyń 217-232 shaqyrymy, Oktıabrskıı aýyly-Aqmola obl. shekarasy aralyǵynda qoǵamdyq jáne júk avtokólik túrleri úshin jol qozǵalysy jabyq.
Atalǵan joldarda avtokólikterdiń úzdiksiz jol qozǵalysyn qamtamasyz etý maqsatynda «Qazaqavtojol» RMK-nyń JPB (Jol paıdalaný bólimshesi) arnaıy qar tazalaý tehnıkalary kezekshilikke shyqty.
