Aqmola oblysynda birqatar ǵımarattyń shatyryn jel ushyryp áketti
KÓKShETAÝ. QazAqparat - Aqmola oblysynda qatty jel birqatar eldi mekenderde ǵımarattardyń shatyryn ushyrdy, dep habarlaıdy QazAqparat tilshisi oblystyq TJD baspasóz qyzmetine silteme jasap.
Vedomstvonyń málimetinshe, 23 qyrkúıek saǵat 20:00-de Kókshetaý qalasynda jyldamdyǵy sekýndyna 28 metr bolatyn jel turǵan. Kúshti jel Azamattyq qorǵanys kópbeıindi joǵary kolledjiniń tórt qabatty ǵımaratynyń shatyryn julyp túsirdi. Saldarynan ǵımarattyń 200 sharshy metr shatyry búlindi.
«Tótenshe jaǵdaıdyń saldaryn joıýǵa TJD jeke quramynan 2 qyzmetker men 1 tehnıka, jergilikti atqarýshy organdardan 3 qyzmetker men 1 tehnıka tartyldy», - dep aıtty vedomstvodan.
Al, 24 qyrkúıek túngi saǵat 05:00 shamasynda Atbasar qalasyndaǵy birinshi shaǵynaýdanda ornalasqan №3 orta mektep shatyrynyń aýmaǵy 75 sharshy metr bolatyn bir bóligi julyndy. Sol kúni túngi saǵat 01:30-da jel Zerendi aýdanyndaǵy M.Ǵabdýllın atyndaǵy orta mektebiniń shatyryn ushyrdy. ıAǵnı, bilim ordasynyń aýmaǵy 630 sharshy metr bolatyn shatyry búlindi.
«Qazirgi kezde osy tótenshe jaǵdaılarǵa baılanysty arnaıy komıssııa qurylyp, jumys isteýde», dep tolyqtyrdy vedomstvonyń baspasóz hatshysy Dınara Esenbaeva.
