Aqmola oblysynda birqatar avtokólik joldaryn sý basty
KÓKShETAÝ. QazAqparat - Aqmola oblysynyń birqatar aýdandaryndaǵy avtokólik joldaryn sý basty, dep habarlaıdy QazAqparat tilshisi QR ІІM TJK-nyń resmı ókili Rýslan Imanqulovqa silteme jasap.
Rýslan Imanqulovtyń aıtýynsha, Aqmola oblysynyń Atbasar aýdanynda «Atbasar-Sochınskoe» baǵytyndaǵy joldyń 9 shaqyrymyn sý basýyna baılanysty jol ýaqytsha jabyldy. Kóp kólemle qarǵyn sý jınalyp, ol tómenge aǵyp joldy basyp qalǵan. Sonymen qatar, Sepe, Sochınskoe, ıAroslavka aýyldaryna baratyn joldar men «Poltavka-Tıtovka» baǵytyndaǵy kúre joldar da jabyldy.
Ereımentaý aýdanynda «Bestoǵaı-Baısary» baǵytynda jol qozǵalysy shekteldi. Bul jerde jergilikti atqarýshy organdary qyzmetkerleri baqylaý júrgizýde. 652 turǵyny bar Bestoǵaı aýylynyń turǵyndary azyq-túlik, dári-dármekpen qamtamasyz etilýde. Ázirge, aýylǵa qaýip tónip turǵan joq.
Qorǵaljyn aýylynan 8 shaqyrym qashyqtyqta «Korgaljyn-Barshyn» aralyǵyndaǵy tas joldy sý shaıyp ketti. Joldyń boıynda eskertý belgileri qoıylyp, jergilikti atqarý organdary tarapynan baqylaýǵa alyndy.
Shortandy aýdanynda oblystyq maqsattaǵy «Prıgorodnoe-Shortandy» tas jolynyń 60 shaqyrymynda Kolýton ózeni arnasynan asyp ketti. Tselınograd aýdanynda Sarykól aýlynyń mańynda Qabanbaı batyr - Mánshúk - Orazaq aýyldary baǵytyndaǵy joldy eni 35-40 metr jerin, tereńdigi 10-12 santımetr sý shaıyp ketti. Sý basýǵa jol astyndaǵy sý ótkizetin qubyrdyń tar bolýy sebepshi bolǵan. Qazirgi kezde, atalmysh joldyń boıynda jergilikti atqarýshy organdar men jergilikti polıtsııa qyzmetiniń mamandary jumys isteýde. Jol boıyndaǵy kólik qozǵalysy baqylaýǵa alynǵan.
Sonymen qatar, «R.Qoshqarbaev - Preobrajenka» jáne «Prırechnoe - Antonovka» tas joldaryn da aǵyn sý basty. Al, Ereımentaý aýdanynda Siletti ózeniniń sý deńgeıi kóterildi.
«Jalpy, Aqmola oblysyndaǵy ózen, kólder jáne sý qoımalaryndaǵy qaýipti aýmaqtarda 96 baqylaý beketi ornalastyryldy. Barlyq beketterde aýdan ákimdigi, tótenshe jaǵdaılar bólimderiniń, jergilikti polıtsııa qyzmetiniń mamandary táýlik boıy kezekshilik jasaýda. Ázirge jaǵdaı qalypty», - dep túsindirdi Rýslan Imanqulov.
Illıýstratsııalyq foto
