Aqmola oblysynda birinshi bolyp daýys bergen mehnızatorǵa syılyq berildi
Aqkól aýdanyndaǵy Dombyraly aýylynyń turǵyny Vıtalıı Balýnov jergilikti sharýashylyqta mehnızator bolyp eńbek etedi. Ol ózi tirkelgen №125 saılaý ýchaskesine tańǵy saǵat 06:45 baryp, óz tańdaýyn jasady. Oǵan atalmysh saılaý ýchaskesinde estelik syılyq tapsyryldy.
Vıtalııdiń aıtýynsha, ol saılaýǵa syılyq alý úshin emes, óziniń azamattyq paryzyn oryndaý úshin barǵan.
«Saılaý – bul elimizdiń ár azamatynyń ómirindegi mańyzdy oqıǵa. Ár adam óziniń jarqyn bolashaǵy, elimizdiń gúldenýi úshin daýys berýi tıis», - deıdi mehanızator.
Aıta keteıik, búgingi tańda Aqmola oblysynda 722 saılaý ýchaskesi bar. Onyń 697-si ashyq ýchaskeler. Oblystyń azamattyq alıansynan jáne kásipodaqtardan 1005 baıqaýshy tirkelip, jergilikti saılaý ýchaskelerinde jumystaryn atqarýda. Budan bólek, saılaýǵa qatysyp jatqan bes partııanyń atynan 1723 ókil baıqaýshy retinde tirkeldi. Saǵat 10:00-ge deıingi jaǵdaı boıynsha barlyǵy 52980 adam daýys berip úlgergen.