Aqmola oblysynda bir úıde alty adam ıis tıip ýlanyp qaldy
KÓKShETAÝ. QazAqparat - Aqmola oblysynda bir úıde alty adam ıis tıip aýrýhanaǵa tústi, onyń beseýi bala, dep habarlaıdy QazAqparat tilshisi oblystyq TJD baspasóz qyzmetine silteme jasap.
«Naýryzdyń 29 kúni túngi saǵat 22:35 shamasynda Nur-Sultan qalasyndaǵy Kúshter men quraldardy jedel basqarý ortalyǵynan Aqmola oblysynyń TJD Daǵdarystyq jaǵdaılardy basqarý ortalyǵyna Tselınograd aýdanynyń Qyzyljar aýylynda alty adam ıisten ýlanǵany (onyń ishinde bes bala) týraly telefon arqyly habarlandy. Olardyń barlyǵy saǵat 23:00 ıisten ýlaný belgisimen Nur-Sultan qalalyq kópbeıindi aýrýhanasyna jatqyzyldy. Qazirgi kezde zardap shekkenderdiń jaǵdaıy turaqty»,-dedi vedomstvodan.
TJD baspasóz qyzmetinen atap ótkendeı, qatty jelden jeke turǵyn úıdegi peshtiń murjasy qulaǵan. Sonyń saldarynan ıis shyǵyp, úıdegi adamdar ýlanyp qalǵan.
