Aqmola oblysynda bir top jýrnalıst marapattaldy
KÓKShETAÝ. QazAqparat- Aqmola oblysynda 28 maýsym - Baılanys jáne aqparat qyzmetkerleriniń kásibı merekesi kúni atalyp ótti, dep habarlaıdy "QazAqparat" HAA tilshisi.
Saltanatty sharaǵa oblystaǵy buqaralyq aqparat quraldarynyń basshylary, jýrnalıstıka ardagerleri, respýblıkalyq buqaralyq aqparat quraldarynyń menshikti tilshileri, baılanys salasynyń qyzmetkerleri qatysty.
Sharada Aqmola oblysy ákiminiń orynbasary Egor Kappel sóz sóılep, aqparat jəne baılanys salasynyń qyzmetkerlerin kəsibı merekelerimen quttyqtady.
"Halyqty el men jerdiń tynys-tirshiligimen tanystyryp, jahandaǵy jańalyqtan habardar etip otyrǵan gazet pen jýrnal, radıo men televızııa qyzmetkerleri - jýrnalısterdiń kásibı merekesimen shyn júrekten quttyqtaımyn", dedi E.Kappel.
Shara barysynda birqatar jýrnalıster oblys ákiminiń Alǵys hatyna ıe bolyp, jyl saıyn dástúrli túrde ótkizilip kele jatqan oblystyq «Altyn qalam» baıqaýynyń júldegerleri marapattaldy.
Aıta ketý kerek, osy kúni oblys aýmaǵynda 96 buqaralyq aqparat quraly tirkelip, jumys isteýde. Onyń 81-i baspa, 15-i elektrondy aqparat quraldary. Sondaı-aq, respýblıkalyq BAQ-tyń 20 menshikti tilshisi eńbek etýde. Memlekettik BAQ óńirdegi aqparat keńistiginiń 45 paıyzyn qamtıdy.
