Aqmola oblysynda bir táýliktiń ishinde jolda qalǵan 100-ge jýyq adam evakýatsııalandy
KÓKShETAÝ. QazAqparat – Aqmola oblysynda bir táýliktiń ishinde jolda qalǵan 89 adam evakýatsııalandy, onyń 14 bala, dep habarlaıdy QazAqparat tilshisi oblystyq TJD baspasóz qyzmetine silteme jasap.
«8-9 aqpanda Aqmola oblysynda jolda qalǵan 89 adam jylytý pýnkterine jetkizildi, onyń 14-i bala. Qutqarý jumystary jergilikti atqarýshy organdarmen jáne polıtsııa qyzmetkerlerimen birlesip júrgizildi. Aýa raıynyń nasharlaýyna baılanysty qoǵamdyq tártipti jáne jol qaýipsizdigin qamtamasyz etý úshin Aqmola oblysynyń PD kúshteri jáne quraldarynan 27 beket qoıyldy. Oǵan 48 qyzmetker men 27 patrýldik avtokólik jumyldyryldy», - dedi vedomstvodan.
Aqmola oblysy TJD bastyǵy Nurlan Atyǵaevtyń aıtýynsha, qutqarýshylar azamattardy óńirdiń blok beketterinen jylytý pýnktterine jetkizdi. Ereımentaý aýdanynda 40 adam (onyń ishinde 7 bala) jáne 20 kólik aýdandyq Mádenıet úıine ornalastyryldy. Al, Şýche qalasynyń joǵary tehnıkalyq kolledjine 31 adam, onyń ishinde 5 bala ornalastyryldy. Shortandy aýdanynda evakýatsııalanǵandardyń arasynda 1 jasar balasy bar júkti áıel de boldy. Tselınograd aýdany aýmaǵynda JKO kezinde bes adam qutqaryldy.
Aıta keteıik, 9 aqpanda keshki saǵat 18:00-degi málimet boıynsha Şýche jáne «Nur-Sultan» qalalarynan shyǵa beriste, sondaı-aq Pavlodar qalasy baǵytynda 300-den astam avtokólik jınalyp tur.
