Aqmola oblysynda bir táýliktiń ishinde 500-den astam avtokólik evakýatsııalandy
KÓKShETAÝ. QazAqparat - Aýa raıynyń qolaısyzdyǵyna baılanysty Aqmola oblysynyń polıtseıleri bir táýliktiń ishinde 500-den astam avtokólikti jolǵa shyǵaryp saldy.
Osy ýaqyt ishinde 22 jol apaty bolyp, 7 adam zardap shekti, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.
Aqmola oblysynda bıylǵy jylǵy qańtardyń 12-nen bastap aýa raıynyń kúrt nasharlaýyna baılanysty respýblıkalyq mańyzy bar joldardyń barlyq ýchaskelerinde kólik qozǵalysy ýaqytsha shekteldi.
«Qaýipsizdik maqsatynda patrýldik mashınalar kóliktermen birge júrdi. Avtojoldaǵy kolonnaǵa patrýldik polıtsııa batalonynyń 11 ekıpajy erip júrdi. Sonymen qatar, polıtsııa departamenti bastyǵynyń nusqaýy boıynsha oblys aýmaǵyndaǵy eldi mekenderden shyǵaberiste jáne respýblıkalyq mańyzy bar avtojoldardyń boıynda 34 mobıldi beket qoıyldy, onda 30 patrýldik avtokólikte 60 qyzmetker qyzmet atqardy», - dep atap ótti vedomstvodan.
Qańtardyń 12-nen 13-ne qaraǵan túni jolda qar qursaýynda qalǵan 528 avtokólik pen 1000-nan astam adam, onyń ishinde 10-ǵa jýyq bala evakýatsııalandy. Jylytý pýnkterine 80-ge jýyq adam ornalastyryldy. Osy kúnderi oblys aýmaǵynda 22 jol-kólik oqıǵasy bolyp, odan 7 adam túrli dene jaraqatyn aldy. Adam shyǵyny bolǵan joq.
Tártip saqshylary oblys turǵyndary men qonaqtaryna jyldamdyq rejımin saqtaýdy, alys saparlardan múldem bas tartý jóninde keńes beredi.
Al qıyn jaǵdaıǵa tap bolǵan kezde «112» biryńǵaı nómirine nemese «102» arnaıy jelisine qońyraý shalý qajettigin aıtady.
Eske sala keteıik, keshe oblys aýmaǵyndaǵy tas jolda 55 kóliktiń qatysýymen jol apaty oryn alyp, 6 adam zardap shekti.
