Aqmola oblysynda bir tabyn jylqy muz qursaýynda qalǵan

KÓKShETAÝ. QazAqparat – Aqmola oblysy Tótenshe jaǵdaılar departamentiniń qyzmetkerleri baqtashylar qarly boranda joǵaltyp alǵan 100-ge jýyq jylqyny qutqardy, dep habarlaıdy QazAqparat TJM saıtyna silteme jasap.

15 sáýirde qutqarýshylarǵa Atbasar aýany Bastaý aýyldyq okrýgi mańyndaǵy Esil ózeni tusynda sý basqan shalǵyndarda jaıylyp júrgen jylqylardyń shyǵa almaı qalǵandyǵy týraly habar túsedi.

Oqıǵa ornyna jergilikti atqarýshy organdarmen birlesip dereý qutqarýshylar men tehnıka jiberildi.

Qutqarýshylar muzdyń arasynan qaıyqpen jol ashyp, jylqylardy qaýipsiz jerge aıdap, 100-ge jýyq jylqyny qatyp qalýdan jáne sýǵa batyp ketýden aman alyp qaldy.

Basynda janýarlar kómekke jetken qutqarýshylardan úreılenip qasha bastaǵan, keıinirek muzdan oıylǵan jolmen júrip, qurǵaq jerge shyǵady. Ókinishke qaraı, 30-ǵa jýyq jylqynyń ólgeni anyqtaldy.