Aqmola oblysynda bir-birimen qaqtyǵysqan qarýly eki top qolǵa tústi

KÓKShETAÝ. QazAqparat - Aqmola oblysynda bir-birimen qaqtyǵysqan barlyǵy 15 adamnan turatyn qarýly eki top qolǵa tústi, dep habarlaıdy QazAqparat tilshisi.

Oblystyq PD baspasóz qyzmetiniń málimetinshe, maýsymnyń 28-de departamenttiń krımınaldyq polıtsııa basqarmasynyń qyzmetkerlerine «Qarasaı tas joly» aınalma joly boıyndaǵy avtodromda qarýly toptardyń qaqtyǵysy oryn alǵandyǵy týraly habar tústi.

«Oqıǵa ornyna krımınaldyq polıtsııa basqarmasynyń arnaıy maqsattaǵy bólimshe jedel-tergeý tobynyń qyzmetkerleri dereý jetti. Aldyn ala tergeý barysynda qaqtyǵysqa qatysýshylar - Kókshetaý jáne Qaraǵandy qalalarynyń 22 jastan 40 jasqa deıingi 15 turǵyny ekeni anyqtaldy. Olardan Tranfoglio jáne «Strajnık» markaly jaraqat tapanshalary, oq-dári, burysh búrikkishteri, pyshaqtar men kastetter tárkilendi», - dedi vedomstvodan.

Polıtsııa departamenti baspasóz qyzmetinen atap ótkendeı, qazirgi kezde osy oqıǵaǵa baılanysty is qozǵalyp, oqıǵanyń mán-jaıy anyqtalyp jatyr.

«Qarýly qaqtyǵysqa baılanysty Qylmystyq kodekstiń 287-babynyń 3-bóligi - qarýdy zańsyz saqtaý jáne tasymaldaý boıynsha sotqa deıingi tergeý bastaldy. Kelý týraly mindetteme túrinde protsessýaldyq májbúrleý sharasy tańdaldy. Saraptama taǵaıyndaldy», - dep tolyqtyrdy vedomstvodan.

Aıta ketsek, budan buryn Kókshetaýda eki ǵımaratqa bomba qoıylǵany týraly habarlanǵanyn jazǵan bolatynbyz.

Foto: polisia.kz