Aqmola oblysynda bir adam sýǵa ketip, úsheýi qutqaryldy
KÓKShETAÝ. QazAqparat - Aqmola oblysynda demalys kúnderi bir adam sýǵa ketip, úsheýi qutqaryldy, dep habarlaıdy QazAqparat tilshisi oblystyq TJD baspasóz qyzmetine silteme jasap.
«Qaıǵyly jaǵdaı demalys kúnderi Zerendi aýdanynyń Qyzyl kordon aýylynda bolǵan. Onda qutqarýshylar sý aıdynynan 1988 jylǵy er adamnyń denesin jaǵaǵa alyp shyqty. Marqum tyıym salynǵan jerde shomylǵan jáne ústinde qutqarý quraly bolmaǵan», - deıdi TJD baspasóz qyzmetindegiler.
Vedomstvodan atap ótkendeı, sonymen qatar Býrabaı kólinde katamarannyń tehnıkalyq aqaýy saldarynan jaǵadan alystap ketken úsh adam qutqaryldy.
Osyǵan baılanysty Aqmola oblystyq TJD qyzmetkerleri turǵyndarǵa ózen-kólderge shomylý kezinde sýdaǵy qaýipsizdik erejelerin saqtaý qajettigin eske salady.
