Aqmola oblysynda bıler sotynyń ınstıtýty áleýmettik jelide nasıhattalýda
KÓKShETAÝ. QazAqparat - Aqmola oblysynyń soty qazaqtyń bıler soty ınstıtýtyn álýmettik jeli arqyly keńinen nasıhattaýda, dep habarlaıdy QazAqparat tilshisi oblystyq sottyń baspasóz qyzmetine silteme jasap.
Aqmola oblystyq soty Facebook áleýmettik jelisinde «Qazaqtyń bıler soty» ataýymen estafetany qolǵa aldy.
Estafeta Aqmola oblysynyń Atbasar sotynda bastaý alyp, 10 kún boıy bes aýdanda jalǵasty. Atbasar, Aqkól jáne Arshaly, Tselınograd aýdandarynyń jáne Stepnogorsk qalasynyń sottary men tóraǵalary beınerolıkte Aqmola oblysy aýmaǵynda XVII-XIX ǵasyrlarda ómir súrgen bıler men qazaqtardyń dala quqyǵyn damytý jáne bıler sotynyń róli týraly aıtyp berdi», - dep bólisti sottyń baspasóz qyzmeti.
Aýdandyq sot tóraǵalary ózderiniń sózderin kórkem tarıhı kadrlar arqyly súıemeldep otyrdy.
«Beınerolık arqyly Internet qoldanýshylary men oqyrmandary qazaq halqynyń Qanaı bı, Edige bı, Áldebek bı, Bapan bı sııaqty ózge de bıleri men olardyń sheshendik óneri, daýdy sheshýi, memleket pen quqyqtyń qalyptasýyndaǵy róli týraly mol maǵlumatqa qanyǵady», dep tolyqtyrdy vedomstvodan.
Belgili bolǵandaı estafeta Memleket basshysynyń «Bolashaqqa baǵdar: qoǵamdyq sanany jańǵyrtý», «Uly dalanyń jeti qyry» maqalalyq baǵdarlamasyndaǵy negizgi mindetterdi júzege asyrý sheńberinde qolǵa alynyp otyr.
