Aqmola oblysynda bıdaı sabanynan qaǵaz shyǵaratyn zaýyt salynbaq
ASTANA. QazAqparat - Aqmola oblysynda bıdaı sabanyn óńdep, qaǵaz shyǵaratyn zaýyt salý josparlanyp otyr. Bul týraly oblys ákimi Málik Myrzalın Astanadaǵy Ortalyq kommýnıkatsııalar qyzmetinde ótken baspasóz máslıhatynda málim etti, dep habarlaıdy «QazAqparat» HAA tilshisi.
Qytaı kompanııasymen birlesken qýattylyǵy jylyna 500 myń tonna bolatyn zaýyttyń qurylysy kelesi jyly bastalady.
«Qytaıdan 300 mıllıon dollarǵa jýyq jeke ınvestıtsııa tartyldy. Sabandy óńdeý arqyly biz qaǵaz, karton, organıkalyq tyńaıtqyshtar, elektr qýaty men metandy óndiretin bolamyz", - dedi Aqmola oblysynyń ákimi Málik Myrzalın.
Sondaı-aq, 2018 jyly Makınsk aýdanynda jylyna 50 myń tonnalyq ónim óndiretin qus fabrıkasyn ashý kózdelýde. Buǵan qosa Astrahan aýdanynda jylyna 5 myń tonna (JShS «Bavarııa Prodakt») etti óńdeıtin zaýyt pen shoshqa fermasynyń qurylysy josparlanǵan.
