Aqmola oblysynda beıtanys adamdar órtengen úıden eki balany qutqardy
KÓKShETAÝ. QazAqparat – Aqmola oblysynyń Şýche qalasynda turǵyn úıden órt shyǵyp, áıel men eki bala qutqaryldy. Balalardy órt sóndirýshiler kelgenshe kóshede ótip bara jatqan beıtanys adamdar syrtqa alyp shyqty, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, órt 27 aqpanda Şýche qalasynda bolǵan.
«Saǵat 15:25 shamasynda Şýche qalasynda turǵyn úı órtenip jatqandyǵy týraly habar tústi. Órtten úıdiń qabyrǵalary men shatyry búlingeni anyqtaldy. Órt aýmaǵy 70 sharshy metrdi qurady. Órt kezinde úıdiń ishinde bolǵan eki balany kóshede ótip bara jatqan beıtanys adamdar qutqaryp qaldy. Al áıeldi qutqarýshylar evakýtsııalady. Sonymen birge, órt sóndirýshiler úıdiń ishinen eki gaz ballonyn syrtqa alyp shyqty. Qaza bolǵandar men zardap shekkender joq», - dedi vedomstvodan.
Osy rette Aqmola oblysynyń TJD qyzmetkerleri órtengen úıden balalardy qutqarǵan Şýche qalasynyń turǵyny Rýslan Ánýarbekke, sondaı-aq, Nur-Sultan qalasynyń turǵyndary Jańbyrshy Omarov pen Jomart Nurǵojınovqa alǵys bildirýde.
