Aqmola oblysynda bes qarýy saılanǵan brakonerler ustaldy
KÓKShETAÝ. QazAqparat- Aqmola oblysynyń Qorǵaljyn aýdanynda memlekettik tabıǵı qoryqta zańsyz ańshylyqpen aınalysqan brakonerler ustaldy, dep habarlaıdy «QazAqparat» HAA tilshisi ІІD baspasóz qyzmetine silteme jasap.
Polıtseılerdiń málimeti boıynsha, 30 qańtarda Qorǵaljyn aýmaǵynda jergilikti polıtsııa qyzmeti, tabıǵatty qorǵaý polıtsııasy qyzmetkerleri men memlekettik tabıǵı qoryqtyń memlekettik ınspektorlary birlesip júrgizgen reıd barysynda bir astanalyq jáne jergilikti úsh turǵyn ustaldy.
«Tekseris kezinde kúdiktiler baqylaýǵa alynǵan memlekettik tabıǵı qoryqta zańsyz ańshylyqpen aınalysyp júrgeni anyqtaldy. Olardan TOZ-34 R 12 kalıbrli tegis uǵymaly myltyq, SKS markaly karabın, 5 pyshaq, 100-ge jýyq oq-dəri, «HYUNDAI» markaly navıgatory, «BPTs 7*50» dúrbisi, úsh «ADOFENG» ratsııasy jəne 14 qap tərkilendi. Atalǵan oqıǵaǵa baılanysty QR QK-niń 380-babynyń 1-bólimi jəne 382-babynyń 3-bólimi boıynsha əkimshilik hattama toltyryldy», dep kórsetilgen habarlamada.
Eske sala keteıik, osydan birer kún buryn Egindikól aýdanynyń Jalmanqulaq aýyly mańynda qarda júretin kólikpen (snegohod) ań aýlap júrgen eki adam ustalǵan bolatyn. Ustalǵandardyń 1963 jáne 1969 jyly týǵan Tselınograd aýdanynyń turǵyndary ekeni anyqtaldy. Tekseris barysynda olardyń da kólikterinen zańsyz atyp alǵan 9 túlki, TOZ-34 12 jáne MR-155 12 kalıbrli myltyq, 20 dana «Fetter» oǵy tárkilenip, ústerinen QR QK 337 babynyń 1 bólimi boıynsha qylmystyq is qozǵaldy.
