Aqmola oblysynda belgisiz zat jarylyp, er adam qaza tapty

NUR-SULTAN. QazAqparat - Búgin Aqmola oblysy Tselınograd aýdany Taıtóbe aýylynyń jeke turǵyn úı aýmaǵynda kómir túsirý kezinde belgisiz zat jaryldy, dep habarlaıdy QazAqparat Aqmola oblystyq Tótenshe jaǵdaılar departamentiniń baspasóz qyzetine silteme jasap.

Oqıǵanyń saldarynan 1981 jyly týǵan úıdiń ıesi qaza boldy. Tilingen jaralarymen Nur-Sultan qalasynyń №2 aýrýhanasyna úı ıesiniń aǵasy – 1977 jyly týǵan er adam jáne aǵasynyń 2018 jyly týǵan kámeletke tolmaǵan uly jatqyzyldy.

Qazirgi ýaqytta polıtsııa jedel tergeý sharalaryn júrgizip jatyr.