Aqmola oblysynda bazalt tastarynan mıneraldy jylýoqshaýlaǵysh shyǵaratyn zaýyt iske qosyldy
KÓKShETAÝ. QazAqparat - QR Tuńǵysh Prezıdenti kúni qarsańynda Aqmola oblysynyń Makınsk qalasynda bazalt tastarynan mıneraldy jylýoqshaýlaǵysh qurylys materıaldaryn óndiretin «POLITERM» JShS jańa zaýyty iske qosyldy, dep habarlaıdy QazAqparat tilshisi.
Kəsiporynnyń ashylý rásimine qatysqan aımaq basshysy Məlik Myrzalın zaýyt ujymyn QR Tuńǵysh Prezıdenti kúni jəne kəsiporynnyń ashylýymen quttyqtaı kele eńbekterine tabys tiledi.
Kəsiporynnyń bas dırektory Jasulan Muhametjannyń aıtýynsha, jobanyń jalpy quny - 6 mıllıard 771 mıllıon teńgeni qurap otyr. Zaýyttyń iske qosylýy 100-den astam jańa jumys ornyn ashýǵa múmkindik beredi.
Jobanyń óńirdiń ındýstrııalyq damýyna ǵana emes, sonymen qatar qalanyń jáne jaqyn eldi-mekenderdegi áleýmettik máselelerdi sheshýge oń áserin tıgizetinin senimmen aıtýǵa bolady.
Qazirgi zamanǵy qondyrǵylar men ozyq tehnologııalarmen jabyqtalǵan kásiporyn búgin alǵashqy ónimin shyǵara bastady. Bazalt tastarynan alynatyn mıneraldy maqta negizindegi qurylys materıalynyń artyqshylyǵy jylý, dybys, ylǵal, jel ótkizbeıtindiginde. Sondaı-aq, ekologoııalyq taza, otqa janbaıdy.
