Aqmola oblysynda baýyryn uryp óltirgen 39 jastaǵy kúdikti ustaldy
KÓKShETAÝ. QazAqparat - Aqmola oblysynda ógeı baýyryn aıýandyqpen óltirgen 39 jastaǵy kúdikti ustaldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimeti boıynsha 14 qazan kúni Kókshetaý qalalyq ІІB-ge jergilikti turǵyn habarlasyp, Zerendi baǵytyndaǵy saıajaı aýmaǵynda er adamnyń máıiti tabylǵanyn aıtqan. Oqıǵa ornyna jetken polıtseıler er adamnyń bireýdiń qolynan mert bolǵanyn anyqtady.
«Oqıǵa ornynda marqumnyń qujattary men aıǵaqtardyń bolmaýy qylmystyń betin ashýǵa biraz qıyndyqtar týǵyzdy. Degenmen, jedel-izdestirý sharasy barysynda qaza bolǵan adamnyń 33 jastaǵy Qostanaı oblysynyń týmasy ekeni anyqtaldy. Artynsha, polıtseıler osy qylmysqa qatysty 39 jastaǵy kúdiktini ustady. Onyń túsiniktemesi boıynsha, kóz jumǵan adammen ekeýi ógeı baýyr bolǵan. Sol kúni ekeýara daý shyǵyp, sońy tóbeleske ulasqan. Saldarynan 33 jastaǵy ógeı inisi kóz jumǵan», dep túsindirdi baspasóz qyzmetindegiler.
Qazirgi kezde osy oqıǵaǵa baılanysty kúdikti ýaqytsha ustaý oqshaýlaǵyshyna toǵytylyp, QR QK 99-babynyń 1-bóligi boıynsha qylmystyq is qozǵaldy.
