Aqmola oblysynda «Bastaý bıznes» jobasy jemisin berip otyr
KÓKShETAÝ. QazAqparat - «Bastaý bıznes» jobasy óz jemisin berýde. Kóptegen kásipkerler qaıtarymsyz aqsha alyp, óz isin ashýda, dep habarlaıdy QazAqparat tilshisi oblystyq ishki saıasat basqarmasyna silteme jasap.
Vedomstvonyń málimetinshe, Egindikól aýdanynda sońǵy eki jylda 133 adam arnaıy kýrstan ótip, 43 kásipker óz isin ashqan. Sonyń biri - aǵylshyn tiliniń muǵalimi Gaýhar Qusaıynova.
Dıplom alyp, aýylǵa muǵalim bolyp jumysqa ornalasqan ol qosymsha tabys kózin izdegen. Keıin «Bastaý Bıznes» jobasynyń arqasynda Gaýhar arnaıy kýrstan ótip, jeke isin ashty.
«Men mektepten tys qosymsha sabaqtar ótkizdim. Sodan keıin «Bastaý» baǵdarlamasy týraly bilip, aýdandyq kásipkerler palatasyna júgindim. Osydan keıin arnaıy kýrstan ótip, ózimniń bıznes-josparymdy qorǵadym», - deıdi kásipker.
Kásipkerler palatasynyń aýdandyq fılıaly dırektory Merhat Bektýrovtyń aıtýynsha, bıyl 12 kásipkerge qarjylaı kómek kórsetildi. Oǵan Gaýhar sııaqty jas mamandar mysal bola alady.
Dál osyndaı belsendi jastar úshin memleket tarapynan qoldaý qajet. Osy jyldyń ózinde Egindikól aýdanynda 10-nan astam kásipker óz isin ashty.
Egindikól aýdanynyń kóptegen turǵyndary óz isin ashýǵa tyrysýda.
Aıta ketý kerek, karantınge baılanysty elimizde kásipkerlik negizderine oqytý onlaın-rejımde júrgizilýde.
