Aqmola oblysynda barymtashylar urlyq ústinde qolǵa tústi
KÓKShETAÝ. QazAqparat - Aqmola oblysynda barymtashylar urlyq ústinde qolǵa tústi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetishe, 2019 jyldyń 15 qazanynda Astrahan aýdandyq PB kezekshilik bólimine jergilikti kásipkerden óriste júrgen 15 bas iri qaranyń joǵalǵany týraly aryz túsken. Oqıǵa ornyna jetken tártip saqshylary barymtashylardyń jeńil kólikpen júrgenin jáne óristegi maldy tabynnan bólip aıdap áketkenin anyqtaǵan.
«Jedel izdestirý sharasy kezinde 2019 jyldyń 18-shi qazanynda keshki saǵat 21:00 -de Astrahan aýdanynyń Jaltyr aýyly mańyndaǵy orman aýmaǵynda turǵan Subaru jáne Volkswagen Passat avtokólikteri tártip saqshylarynyń kózine túsedi. Kólikterge jaqyndap barǵan tártip saqshylary 27 jáne 33 jastaǵy kólik ıeleri men 29 jastaǵy bir jolaýshynyń úsh bas iri qarany soıyp jatqanyn anyqtady. Osy kezde, kúdiktiler qylmystyń ústinen túsken tártip saqshylarynan qashpaq bolady. Kúdiktilerdiń kólikterin tekserý kezinde shaǵyn kolıbrli myltyq, 3 pyshaq, bala, qol arasy jáne esirtki shegýge arnalǵan qural tabyldy», - deıdi vedomstvodan.
Sonymen qatar, tártip saqshylary oqıǵa ornynan soıylǵan maldyń qulaǵyndaǵy syrǵany tapty. Osy syrǵa arqyly maldyń úsh kún buryn aryz bergen kásipkerge tıesili ekeni anyqtaldy.
Qazirgi kezde QR QK 188 baby boıynsha (mal urlyǵy) sotqa deıingi tergeý amaldary júrgizilýde.
