Aqmola oblysynda barymtashy ustaldy
KÓKShETAÝ. QazAqparat - Aqmola oblysynda mal urlyǵymen aınalysqan kúdikti ustaldy. Sonymen qatar, onyń sybaılastary da anyqtalý ústinde, dep habarlaıdy QazAqparat tilshisi ІІD baspasóz qyzmetine silteme jasap.
Polıtseılerdiń deregi boıynsha Esil aýdandyq ІІB kezekshilik bólimine Aqsaı aýylynyń turǵyny aryzdanyp, «Prestıj» sharýa qojalyǵynyń aýmaǵynda jaıylyp júrgen 15 bas iri qaranyń joǵalǵanyn aıtqan.
«Jedel izdestirý sharasy barysynda Esil aýdanyndaǵy Kovylnoe aýylynyń 38 jastaǵy turǵyny ustaldy. Kúdikti qylmysyn moıyndap, sybaılastaryn atady.
Qazirgi kezde barymtashylardyń mal urlyǵyna baılanysty 6 oqıǵaǵa qatysy bary anyqtaldy. Oǵan qosa, QR QK 188 babynyń 3 bóligi boıynsha is qozǵalyp, sotqa deıingi tergeý amaldary júrgizilýde», - dep túsindirdi ІІD baspasóz qyzmetindegiler.
Aıta keteıik, 2015 jyldyń sáýir aıynda Aqmola oblysynda mal urlyǵyn kásip etken uıymdasqan top ustalǵan bolatyn. Olardyń mal urlaýdyń 14 oqıǵasyna qatysy bary, mal ıelerine 200 myń teńgeden 1,5 mıllıon teńgege deıin shyǵyn keltirilgeni anyqtalǵan edi.
