Aqmola oblysynda barlyq baǵyttar boıynsha joldar jabyldy
ASTANA. QazAqparat - Respýblıkanyń tórt oblysynda avtokólik qozǵalysy shekteldi. Bul týraly «Qazaqavtojol» RMK baspasóz qyzmeti habarlady.
Aqmola oblysynda 12 qańtarda saǵat 20:00-dan bastap burqasyn men kórinimniń shektelýi saldarynan barlyq baǵyttarǵa joldar jabyldy.
Pavlodar oblysynda 12 qańtarda saǵat 20:30-dan bastap aýa raıynyń nasharlaýyna baılanysty «Qyzylorda-Pavlodar» joly (1206-1135-shi shaqyrymdar, Shiderti kenti-Qaraǵandy oblysynyń shekarasy), sondaı-aq «Qalqaman-Maıqaıyń-Baıanaýyl-Ýlıanov» avtojoly (138-231-shi shaqyrymdar, Baıanaýyl kenti-Qaraǵandy oblysynyń shekarasy) jabyldy.
Qyzylorda oblysynda aýa raıynyń nasharlaýyna baılanysty «Qyzylorda-Pavlodar» avtojolynda (12-216-shy shaqyrymdar, Qyzylorda qalasy - Qaraǵandy oblysynyń shekarasyna deıin) avtokóliktiń barlyq túrleri úshin qozǵalys shekteldi.
Qaraǵandy oblysynda aýa raıynyń nasharlaýyna baılanysty (jańbyr, avtojoldyń júris bóliginde sazdy balshyq) «Qyzylorda-Pavlodar» avtojolynda (216-424-shi shaqyrymdar, Qyzylorda oblysynyń shekarasynan Jezqazǵan qalasyna deıin) avtokóliktiń barlyq túrleri úshin qozǵalys shektelýi saqtalýda.
