Aqmola oblysynda balyq konservileri tekserildi
Aqmola oblysy sanıtarlyq-epıdemıologııalyq baqylaý departamenti baspasóz qyzmetiniń málimetinshe, óńir turǵyndaryn sapaly azyq-túlikpen qamtamasyz etý úshin vedomstvo mamandary tamaq ónimderiniń qaýipsizdigine monıtorıng júrgizýde.
«Monıtorıng jaǵdaıynda bıylǵy jyldyń 5 aıynda balyq konservileriniń 84 úlgisi irikteldi. 23 synamada gıgıenalyq normatıvter men tehnıkalyq reglamentterdiń talaptaryna sáıkessizdikter anyqtaldy, bul 27,4 paıyzdy quraıdy. Salystyrmaly taldaý kórsetkendeı, sáıkes kelmeıtin balyq ónimderi ımporttyq ónimniń úlesine 100 paıyzǵa tıesili», - dep túsindirdi vedomstvoda.
Máselen, tekseris barysynda EAEO elderinde óndirilgen 74 konserviniń 23-inde sáıkessizdikter boldy. Jergilikti óndirýshilerdiń tekserilgen 10 konservisinde buzýshylyqtar anyqtalǵan joq. Monıtorıng kezinde tehreglamentterdiń mynadaı talaptarynyń buzylǵany anyqtaldy: ónimdi tańbalaý talaptaryna sáıkessizdik - 21 synama (memlekettik tilde aqparattyń bolmaýy, qosymsha málimetterdiń bolmaýy), sapa kórsetkishteri men mıkrobıologııalyq kórsetkishter (MAFAM) boıynsha - 1 synama; fızıkalyq-hımııalyq kórsetkishter boıynsha - 1 synama (norma 1,2 - 2,0 paıyz bolǵan kezde natrıı hlorıdiniń massalyq úlesi 2,3 paıyzdan asyp ketti).
«Anyqtalǵan buzýshylyqtar boıynsha kásipkerlik sýbektilerine Qazaqstan Respýblıkasynyń halyqtyń sanıtarııalyq-epıdemıologııalyq salamattylyǵy salasyndaǵy zańnamasynyń talaptaryn buzýshylyqtardy joıý týraly sanıtarııalyq nusqama berildi. Josparǵa sáıkes aı saıyn saýda nysandaryna baqylaý júrgiziledi. Sertıfıkattalmaǵan ónimdi satýǵa jol berilmeıdi», - dep tolyqtyrdy vedomstvo.
Óńirdiń sanıtarlyq dárigerleri aqmolalyqtarǵa sapasyz taýardy anyqtalǵan jaǵdaıda habarlaýdy suraıdy. Ótinishte saýda núktesiniń mekenjaıy men derektemelerin kórsetý, sondaı-aq egjeı-tegjeıin kórsetý jáne foto nemese vıdeo qosa berý qajet. Sondaı-aq, fıskaldy chekti tirkeý. Mundaı jaǵdaıda departamenttiń nemese aýmaqtyq basqarmalardyń qyzmetkerleri jospardan tys tekserý júrgizedi.