Aqmola oblysynda balyq aýlaǵandar jaýapqa tartyldy
KÓKShETAÝ. QazAqparat – Aqmola oblysynyń Qorǵaljyn aýdany aýmaǵynda zańsyz balyq aýlap jatqandar týraly áleýmettik jelisinde taraǵan beınejazbaǵa qatysty polıtsııa tekseris júrgizdi, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, tekseris kezinde belgili bolǵandaı, sáýirdiń 11-de saǵat 11:00 shamasynda Qaraegin aýylynyń 43 jastaǵy eki turǵyny Nura ózeninde balyq aýlaǵan. Bul aýmaq Qorǵaljyn memlekettik tabıǵı qoryǵynyń aýmaǵyna kirmeıdi.
Turǵyndar balyqty qarmaq jáne torly dorbamen aýlaǵan. Al, bul ruqsat etilmegen bolyp sanalmaıdy.
Degenmen, sáýir aıynan bastap, balyqtardyń ýyldyryq shashatyn ýaqyty bolǵandyqtan shortan balyqty qandaı da bir ádis aýlaýǵa tıym salynady.
«Qazirgi kezde balyq aýlaǵan aýyl turǵyndary QR ÁQbK 383 baby boıynsha (balyq aýlaý jáne balyq resýrstaryn qorǵaý tárizdi ózge de erejelerdi buzý) ákimshilik jaýapqa tartyldy. Tártip saqshylary úshinshi balyqshyny anyqtaýda», - dep túsindirdi vedomstvodan.
Sonymen qatar, polıtsııa qyzmetkerleri áleýmettik jelide taraǵan beınejazbanyń avtorymen profılaktıkalyq áńgime júrgizdi.
