Aqmola oblysynda balalar týrızmi damyp keledi
KÓKShETAÝ. QazAqparat - Aqmola oblysynda kıeli jerler geografııasy sheńberinde balalar týrızmin damytýǵa zor kóńil bólinýde, dep habarlaıdy QazAqparat tilshisi oblystyq ishki saıasat basqarmasyna silteme jasap.f0v
«Qazaqstannyń kıeli jerler geografııasy» jobasy oqýshylar úshin tanymdylyǵy mol shara. Óıtkeni, balalardyń este saqtaý qabileti jaqsy. Balalar kórgenin esinde saqtaıdy. Sondyqtan, balalarǵa el tarıhy boıynsha tanymdyq sharalar ótkizý mańyzdy.
Aqmola oblysy kórikti jerlerge baı. Aıtalyq, bir ǵana Bulandy aýdanynda 31 tarıhı jáne 84 jergilikti maqsattaǵy eskertkishter bar. Balýan Sholaqtyń jerlengen orny osy aýdan aýmaǵynda. Kanıkýl kezderinde Bulandy aýdanynyń kórikti jerleri men tarıhı eskertkishterin myńnan astam oqýshy baryp kórdi. Sonymen qatar, ózge aýdandardaǵy kıeli jerler de nazardan tys qalǵan joq. Býrabaı aýdanyndaǵy Kenesary úńgiri, Abylaı han taǵy, Zerendi aýdanyndaǵy Ýálı han jáne Jaqsy aýdanyndaǵy Baýbek batyr mazary sııaqty tarıhı oryndar oqýshylardyń súıikti ornyna aınalyp otyr.
Kıeli oryndarǵa mektep oqý
shylarynyń saıahatyn uıymdastyrý respýblıkalyq deńgeıde jaqsy damyǵan. 2018 maýsym aıynda Qyzylorda jáne Batys Qazaqstan oblystarynan kelgen 150 bala Aqmola oblystarynyń kıeli oryndarynda boldy. Balalar Býrabaı baýraıyndaǵy Abylaı han alańy, «Han taǵy» jáne Abylaı han murjaıyn aralap kórdi. Sonymen qatar, bıyl qylpyna keltirilgen Býrabaı kentiniń murajaıy men «Býrabaı Damý» vızıt ortalyǵynda bolyp, kórikti jerdiń tarıhı men búgini týraly biraz derekterge qanyqty. Odan ári Kókshetaý qalasyndaǵy oblystyq ólketaný tarıhı-murjaıy men Maǵjan Jumabaev atyndaǵy oblystyq ǵylymı-ámbebap kitaphanasynda ashylǵan kovorkıng ortalyǵynyń jumysymen tanysty.
Al, tamyz aıynda aqmolalyq 70 oqýshy Qyzylorda oblysynyń Qoryq ata memorıaldyq kesheni, Baıqońyr ǵarysh aılaǵy tárizdi tanymal oryndaryna saıahat jasady. Bul baǵyttaǵy jumystar odan ári jalǵasyn tabady. Keler jyly aqmolalyq oqýshylar Batys Qazaqstan oblysyna saparǵa shyqsa, Reseıdiń Omby oblysyndaǵy etnıkalyq qazaq balalary Aqmola oblysyna keledi. Bul degenimiz, Aqmola oblysynda kıeli jerler geografııasy sheńberinde balalar týrızminiń qarqyndy damyp jatqanyn bildiredi. Balalar Aqmola oblysynyń kórikti, tarıhı-mádenı oryndaryn ǵana emes, ný ormany men asqarly taýlary, aıdyn kólderi men móldir bulaqtaryn da tamashalaı alady. Bul olardyń Otanǵa degen mahabbatyn qalyptastyryp, halqymyzdyń tarıhy, ana tili, salt-dástúri men mádenıetine degen súıispenshiligin oıatady.
