Aqmola oblysynda balalar oftalmologııasy bólimshesi ashylady
KÓKShETAÝ. QazAqparat - Keler jyly Aqmola oblystyq kópsalaly aýrýhanasynda kóz mıkrohırýrgııasy bólimshesindegi jabdyqty jańartý jáne balalar oftalmologııasyn ashý josparlanýda, dep habarlaıdy QazAqparat tilshisi oblystyq densaýlyq saqtaý basqarmasynyń baspasóz qyzmetine silteme jasap.
Bul týraly oblystyq densaýlyq saqtaý basqarmasynyń basshysy Narıman Syzdyqovtyń Kókshetaýdaǵy kópbeıindi Aqmola oblystyq aýrýhananyń oftalmologııa bóliminde bolǵanynda aıtyldy. Aýrýhana jumysymen tanysqan basqarma basshysy bólimsheniń zamanaýı medıtsınalyq jabdyqtarmen jaraqtandyrýdy qajet etetinin atap ótti. Bólimshege on jyldan beri jańa jabdyq satyp alynbaǵan. Sondaı-aq dıagnostıka men ota jasaýǵa arnalǵan jabdyqtar jańartýdy qajet etedi. Al bul Aqmola oblysyndaǵy jalǵyz oftalmologııalyq bólimshe.
Qazir munda 15 adam em alýda. Kún saıyn shamamen 10-15 ota jasalady. Basqarma basshysy munda balalarǵa tıisinshe oftalmologııalyq kómek kórsetilmeıtinine nazar aýdardy.
«Biz balalar oftalmologııasyn ashyp, damytamyz. Aldaǵy 2022 jyly kóz mıkrohırýrgııasy bólimshesine qoldaý kórsetip, ony odan ári jetildiretin bolamyz», - dedi Narıman Syzdyqov.
