Aqmola oblysynda balabaqsha kezegine turý jeńildeıdi

KÓKShETAÝ. QazAqparat - Aqmola oblysynda balabaqsha kezegine turý avtomattandyrylýda. Bul týraly oblystyq bilim basqarmasy basshysynyń orynbasary Valerıı Gamazov məlim etti, dep habarlaıdy QazAqparat tilshisi.

Valerıı Gamazovtyń aıtýynsha, balabaqshalarǵa biryńǵaı elektrondyq kezekke turý qanat qaqty jobasy aǵymdaǵy jyldyń birinshi jarty jyldyǵynda Stepnogor jəne Şýche qalalarynda júzege júzege asyrylmaq.

«Elbasy bıylǵy Joldaýynda memlekettik qyzmet kórsetý úrdisin avtomattandyrý týraly mindetter júktegen bolatyn. Balabaqshalarǵa biryńǵaı elektrondy kezekke turý qanat qaqty jobasy osynyń aıǵaǵy ispettes», - dedi basqarma basshysynyń orynbasary óńirlik kommýnıkatsııalar qyzmetinde «Aqmola oblysyndaǵy balabaqshalarǵa birtutas kezekti engizý týraly» taqyrybymen ótken brıfıngte.

Avtomattandyrylǵan júıedegi biryńǵaı bazanyń kómegimen ata-analar óziniń balasy úshin qaı mekenjaıǵa tirkelgenine qaramastan kez-kelgen balabaqshany tańdap, kezekke tura alady.  Oǵan qosa, joba mektepke deıingi mekemelerdiń jumys sapasyn joǵarylatýǵa septigin tıgizedi.

Sonymen qatar, Valerıı Gamazov joba aǵymdaǵy jyldyń birinshi jarty jyldyǵynda Stepnogor jəne Şýche qalalarynda sətti júzege asyrylsa, oblys ortalyǵynda qolǵa alynatyn atap ótti.

Aıta ketý kerek, osy kúni Aqmol oblysynda 601 mektepke deıingi bilim berý mekemesi jumys isteıdi. Onyń ishinde 228-i balabaqsha, 373-i shaǵyn ortalyq. Jalpy, 1-6  jasqa deıingiler arasynda 37005 bala nemese  66,4 paıyzy (onyń ishinde 3-6 aralyǵyndaǵy 31445 bala nemese 97,7 paıyz) mektepke deıingi bilimmen qamtamasyz etilgen.

Sonymen qatar, óńirde jekemenshik balabaqshalardyń da sany artyp keledi. Qazirgi kezde, oblysta barlyǵy 96 jekemenshik balabaqsha tirkelgen. Mektepke deıingi bilimmen qamtamasyz etý maqsatynda ótken jyly paıdalanýǵa berilgen balabaqshalardyń esebinen 1896 balaǵa oryn ashyldy.