Aqmola oblysynda bala týý kórsetkishi joǵarylady
KÓKShETAÝ. QazAqparat - Aqmola oblysynda 2018 jyly 11267 sábıge týý týraly kýálik berilgen, dep habarlaıdy QazAqparat tilshisi oblystyq ádilet departamentine silteme jasap.
Vedomstvonyń deregi boıynsha, óńirde nekege otyrǵandardyń jalpy sanynyń jartysynan astamy ajyrasyp ketken eken. Máselen, 2018 jyl ishinde 4640 jup nekesin qıdyrsa, onyń 2441-á ajyrasqan.
«Azamattyq hal-aktileri jazbasy málimetindegi bir jaǵymdy jańalyq, sábılerdiń týý kórsetkishi aldyńǵy jylǵa qaraǵanda, 4 paıyzǵa artyp, ólim sany kerisinshe 1 paıyzǵa kemigen. Sóıtip, ótken bir jyldyń ishinde oblys turǵyndarynyń sany 3994 adamǵa kóbeıgen. Tek elimizdiń Táýelsizdigi kúni merekesinde ǵana 48 qyz bala men 45 ul bala dúnıege kelgen», - deıdi vedomstvodan.
Sonymen qatar, tirkeýshi organdar jańa týǵan sábılerdiń arasyndaǵy eń kóp taralǵan esimder Arlan, Ámir, Islam bolsa, qyzdar arasynda Aızere, Mádına, Ámına esimderi jıi kezdesetinin aıtady.
