Aqmola oblysynda azyq-túlik satatyn onlaın dúken ashyldy

KÓKShETAÝ. QazAqparat – Aqmola oblysynda onlaın qyzmet kórsetetin saıt ashyldy. Bul týraly Aqmola oblysy boıynsha taýarlar men kórsetiletin qyzmetterdiń sapasy men qaýipsizdigin baqylaý departamentiniń basshysy Aıngúl Mýsına aıtty, dep habarlaıdy QazAqparat tilshisi.

Internet resýrs arqyly Kókshetaý qalasynyń turǵyndary azyq-túlik pen kıim-keshek, turmysqa qajetti sharýashylyq zattaryn onlaın tapysyrys bere alady. Saıtta azyq-túlik, kıim-keshek dúkenderi, dárihanalardyń telefondary men usynylatyn taýarlardyń tizimi men baǵasy bar.

Sondaı-aq, taksı qyzmetteriniń de baılanysty telefondary kórsetilgen.

Budan bólek, tótenshe jaǵdaı boıynsha, koronavırýs juqpasyna qarsy júrgizilip jatqan sharalar týraly respýblıkalyq jáne óńirdegi aqparattardy kórýge bolady.