Aqmola oblysynda aımaqtyq «Arqanyń án darııasy» dástúrli ánshiler baıqaýy ótti
Stepnogorsk qalasyndaǵy «Gornıak» ortalyqtandyrylǵan mádenıet saraıynda uıymdastyrylǵan baıqaý «Rýhanı qazyna-2021» respýblıkalyq festıvaliniń «Qazaqstannyń mádenı astanasy» is-sharalar jospary aıasynda Qazaqstan Respýblıkasy Táýelsizdiginiń 30 jyldyǵyna arnaldy.
«Óner dodasyna Nur-Sultan qalasy, Soltústik Qazaqstan, Pavlodar, Aqmola oblystarynan 20 men 40 jas aralyǵyndaǵy dástúrli ánshiler qatysyp, Birjan sal, Aqan seri, Balýan Sholaq, Imanjúsip Qutpanuly jáne Úkili Ybyraıdyń shyǵarmalaryn oryndady. Baıqaýǵa Birjan sal atyndaǵy mýzykalyq kolledjiniń dırektory Saıan Muhamedııar, Prezıdent orkestriniń solısi, halyqaralyq baıqaýlardyń laýreaty Aızat Qarabekova, QR eńbek sińirgen ártisi, dástúrli ánshi Bısara Mákenova qazylyq etti», - dedi vedomstvodan.
Baıqaý qorytyndysy boıynsha qazylar alqasynyń joǵary baǵasyna ıe bolǵan Denıslambek Jaılaýbaı (Arshaly aýdany) Bas júldeni enshiledi. Al, Aıbala Beısenova (Tselınograd aýdany) júldeli birinshi orynǵa ıe bolsa, ekinshi oryndy Tólegen Amanov ( Kókshetaý q.) jeńip aldy. Soltústik Qazaqstan oblysynan kelgen Ǵalymjan Núrpeıisov úshinshi oryndy ıelendi.
Jeńimpazdar dıplom jáne baǵaly syılyqtarmen marapattaldy. Baıqaý uıymdastyrýshylary barlyq qatysýshylarǵa «Rýhanı qazyna-2021» estelik kádesyılaryn tabys etti.
